PREFABRİK DƏMİR-BETON MƏMULATLARI

Beton Prefabrik Nədir?

1990-cı illərədək ölkəmizdə sənaye binalarının əksəriyyəti prefabrik dəmir-beton məmulatlarla (PDBM) tikilmişdir. Bu binaların çoxu yarım əsr öncə tikilsə də bugün də uğurla istismar olunur. PDBM ilə inşa olunan binalar xüsusi qulluq tələb etmədən, uzunömürlü, yanğına və zəlzələyə davamlı olmaqla, montajı sürətli olur. Heyvandarlıq, qida sənayesində, buxar və qaz istifadə olunan işlətmələrdə metal konstruksiya tikililəri tez korroziyaya uğradığına görə PDBM ilə inşa olunmuşdur.

PDBM zavod şəraitində, gərginləşdirilmiş xüsusi polad tellərdən istifadə olunmaqla, güclü vibrasiya ilə təchiz olunmuş xüsusi qəliblərdə 8 saat buxar vasitəsilə istehsal olunduğuna görə daha uzunömürlü olur. Belə ki, körpülərdə olan tirlər açıq havada qalmasına baxmayaraq, qulluq tələb etmədən 100 illərlə istismar olunur.